12 липня (за ст.ст.) / 25 липня, Неділя
Неділя 5-та після П’ятидесятниці. Глас 4-й.
Мчч. Прокла та Іларія (II). Прп. Михаїла Малеїна (962).
Св. Голіндухи спов., у Святому Хрещенні Марії (591). Мчч. Феодора варяга і сина його Іоанна, у Києві (983). Прпп. Іоанна (988) і Гавриїла (Х) Святогорців (Груз.). Прп. Арсенія Новгородського (1570). Прп. Симона Воломського (1641).
Ікон Божої Матері, іменованих «Троєручиця» (VIII) і «Троєручиця» Бердянська (1892).
Светлую воскресения проповедь/ от Ангела уведевша Господни ученицы/ и прадеднее осуждение отвергша,/ апостолом хвалящася глаголаху:/ испровержеся смерть,/ воскресе Христос Бог,/ даруяй мирови велию милость.
Спас и Избавитель мой/ из гроба, яко Бог,/ воскреси от уз земнородныя,/ и врата адова сокруши,/ и яко Владыка воскресе тридневен.
Яко звезда светозаряющая,/ из Сербии на Афон чудесно прииде/ всечестная икона Твоя Троеручица,/ юже обитель Хиландарская благоговейно восприемши,/ яко Божественный дар свыше,/ прославляет Тя, Владычицу,/ и умильно вопиет:/ не отстави милость Твою от нас,// но пребуди с нами во веки.
Дева днесь благоволение к нам являет,/ Гора же Афон благодарение Ей приносит,/ Ангели и иноцы славословят,/ Троеручица из Сербии чудесно путешествует:/ нас бо ради прииде// и вселися во святую обитель Хиландарскую.
В тебе отче, известно спасеся еже по образу:/ приим бо крест последовал еси Христу,/ и дея учил еси презирати убо плоть, преходит бо,/ прилежати же о души, вещи безсмертной./ Темже и со ангелы срадуется, преподобие имярек, дух твой.
Плотскую тяготу утончил еси делы,/ душевную же быстрость вперил еси просвещением, Михаиле,/ и явился еси Троице жилище,/ Юже зря, блаженне, ясно,// моли непрестанно о всех нас.
Яко денница звезда, возсия/ мучеников Прокла и Илария/ честное страдание,/ предозаряющи нас чудес светлостьми./ Темже празднуем память вашу:/ Христа Бога молите,// да спасет души наша.